HomeLAJMERama thumbon opozitën: Mjekësia ka ndryshuar si nata me ditën, kush s’e...

Rama thumbon opozitën: Mjekësia ka ndryshuar si nata me ditën, kush s’e pranon është verbuar nga mllefi politik

Kryeministri Edi Rama ka publikuar dje në mbrëmje disa foto nga Poliklinika e Krujës, me të cilat tregon si ishte dhe si po bëhet sot, ndërsa ka thumbuar në distancë edhe opozitën e bashkuar të udhëhequr nga Partia Demokratike dhe Lëvizja Socialiste për Integrim.

Përmes një statusi në rrjetet sociale, kryeministri Rama theksoi se këto foto, sipas tij, tregojnë se gjendjen e mjeruar në të cilën ishte poliklinika para 7 vitesh dhe jo para 70 vitesh, duke thumbuar kështu edhe kundërshtarët politikë.

“Ja si ishte edhe Spitali i Krujës deri para 7 jo 70 vjetësh dhe si po bëhet sot, e le ta shohin edhe këtë ata që vazhdojnë thonë “s’ka ndryshuar asgjë” ose më keq akoma, s’ka më keq se janë bërë spitalet”, deklaroi ai. Ndërkohë kryeministri Edi Rama theksoi se mandati i tretë i duhet për të vijuar të bëjë ndryshime, si në rastin e spitaleve që sipas tij, janë si nata me ditën krahasuar me 7 vite më parë.

Madje, ai thumboi edhe opozitën që kërkon të vijë në pushtet se, sipas tij, ata që se pranojnë janë të verbuar nga mllefi politik. “Unë jam i pari që them ka ende shumë akoma për të ndryshuar më tej, prandaj duhet Mandati Tretë, por ama kush thotë se nuk ka ndryshuar si nata me ditën gjendja e spitaleve, ose ka humbur kujtesën ose është krejt i verbuar nga mllefi politik!

Unë jam i pari që them ka ende shumë akoma për të ndryshuar më tej, prandaj duhet Mandati Tretë, por ama kush thotë se nuk ka ndryshuar si nata me ditën gjendja e spitaleve, ose ka humbur kujtesën ose është krejt i verbuar nga mllefi politik! Sidoqoftë një gjë është e sigurtë: Askush nuk e mbaron dot punën transformuese të shëndetësisë përveç nesh, sepse kjo është një luftë që do vizion, pasion, vullnet dhe durim të madh, e këto o i ke o s’i ke”, deklaroi ai.

Më herët dje teksa ndodhej në Fier për të mbikëqyrur punimet në spitalin e ri që po ndërtohet në Fier, kreu i qeverisë tha se Meta është shpërdorues i rolit të presidentit dhe se i bën deklaratat nga këshillat e Petrit Vasilit. Ai e quajti kohën kur Vasili ka qenë ministër Shëndetësie si koha më e errët e shëndetësisë shqiptare. “Meta është shpërdoruesi i rolit të presidentit.

Ai bën deklaratat nga këshillat e Peço Vasilit dhe koha kur Vasili drejtonte shëndetësinë është koha më e errët e shëndetësisë shqiptare. Vaksinimi do shtrihet në moshat mbi 80 vjeç. Nëse presidenti mendon se Reshat Arbana apo Tinka Kurti nuk duhet të vaksinohen si çdo të moshuar tjetër. Ky njeri është bërë si dordolecët që vihen në fusha për të trembur zogj”, nënvizoi kryeministri Edi Rama.

Most Popular