Rusia ka vënë nën kontroll dy centralët më të mëdhenj bërthamorë, atë të Çernobilit dhe Zaporizhzhia në Ukrainë. Kështu ka deklaruar këtë të premte kreu i Agjencisë Ndërkombëtare të Energjisë Atomike, Rafael Mariano Grossi, raporton “CNN”.
Çernobili ishte vendi i fatkeqësisë më të madhe bërthamore në botë, e ndodhur në vitin 1986, i cili u vu nën kontroll nga forcat ruse javën e kaluar. Ndërsa, centrali i Zaporizhzhia ra nën kontrollin e Moskës në orët e para të mëngjesit të sotëm, pas sulmeve të ashpra me raketa, teksa një predhë ruse goditi brenda centralit, duke shkaktuar një zjarr të madh, i cili është lokalizuar.
Fatmirësisht, në momentin e goditjes asnjë nga reaktorët nuk ishte aty, duke i shpëtuar kështu sulmit. Teksa tha se stafi ukrainas është ende në krye të operacioneve, Grossi paralajmëroi se situata në Zaporizhzhia është “shumë e brishtë”.
