HomeLAJMENjë nga miqtë “për kokë” të Vladimir Putin/ Ja çfarë thotë aktori...

Një nga miqtë “për kokë” të Vladimir Putin/ Ja çfarë thotë aktori Steven Seagal për pushtimin rus në Ukrainë

Ylli i filmave aksion, Steven Seagal, i cili u ndalua nga Ukraina për pesë vjet në 2017-n pasi Presidenti rus, Vladimir Putin i dha aktorit një pasaportë ruse, foli për konfliktin në Ukrainë të hënën, duke thënë se ai i shikon të dyja palët “si një familje”. Ylli i “Under Siege” u emërua si i dërguar i posaçëm për lidhjet humanitare me Shtetet e Bashkuara nga Ministria e Jashtme ruse në vitin 2018.

Në vitin 2021, Seagal u përfshi zyrtarisht në partinë politike Pro-Putin “Një Rusi e Drejtë”.

Atij iu dha shtetësia ruse në vitin 2016 dhe mbrojti udhëheqjen ruse për aneksimin e Krimesë në vitin 2014, duke e quajtur Putinin “një nga liderët më të mëdhenj të botës”.

Muaj pasi iu dha shtetësia ruse dhe iu dha personalisht një pasaportë nga Putin, Ukraina e konsideroi aktorin një kërcënim për sigurinë kombëtare dhe e ndaloi atë nga vendi për pesë vjet.

Shtetësia e Seagal supozohej të ishte një shenjë e përmirësimit të marrëdhënieve midis SHBA-së dhe Rusisë. Të dy, si Seagal ashtu edhe Putin praktikojnë arte marciale dhe kanë marrë pjesë në disa ngjarje së bashku gjatë vizitave të tij në Rusi.

Most Popular