Një grua e cila ka hequr dorë nga puna e saj si police, tani fiton mijëra paund në muaj pasi u bë pjesë e platformës “OnlyFans”.
Për 10 vjet, Tati Weg ka qenë një oficere në forcën parandaluese të policisë ushtarake të Brazilit në shtetin jugor të Santa Catarina.
Por kjo periudhë tashmë ka ikur, pasi ajo tani është në titujt kryesorë të mediave rozë për shkak se postoi në rrjetet sociale fotografi ku tregoi ndryshimin drastik të karrierës së saj.
Tati aktualisht është mjaft krenare për të dyja fazat e jetës së saj dhe shprehet se është e lumtur për atë që po bën tani. Ajo ka zbuluar për 53 mijë ndjekësit e saj në “Instagram” se profesioni nuk është më i mirë se tjetri.
“Nuk bëhet fjalë për të qenë më mirë apo më keq në asnjë mënyrë, por që kam qenë aty ku kam dashur të jem në të kaluarën. Dhe unë jam aty ku dua të jem sot. Ky është sukses”, ka treguar Tati.
“The Sun” shkruan se ajo është gjithashtu një avokate e kualifikuar dhe një DJ. Thuhet se Tati fiton një pjesë të madhe të fitimeve të saj duke krijuar përmbajtje për të rritur.
