HomeLAJMEFotoja intime shkak i vetë*rasjes së 27-vjeçares në Kamëz, arrestohet personazhi i...

Fotoja intime shkak i vetë*rasjes së 27-vjeçares në Kamëz, arrestohet personazhi i TikTok-ut

Policia e Tiranës ka zbardhur ngjarjen e rëndë të regjistruar dy ditë më parë në Kamëz, ku 27-vjeçarja Sibora Abedini u hodh nga tarraca e katit të katërt të pallatit ku banonte me qira.

Nga hetimet e autoriteteve ka rezultuar se e reja e ka ndërmarrë aktin ekstrem, pasi i kishin shpërndarë një foto intime në rrjetin social Tik Tok. Policia vuri në pranga 39-vjeçarin Altin Çoku, si personin përgjegjës për shpërndarjen e asaj fotoje. Mbi të rëndon akuza për veprën penale “Shkaktimi i vetëvrasjes”.

Fillimisht autoritetet raportuan se e reja ishte rrëzuar nga tarraca e ballkonit, por më pas rezultoi se ngjarja nuk ishte aksidentale, por e nxitur pikërisht nga 39-vjeçari.

Policia e ka zbardhur ngjarjen pas dëshmive të familjarëve dhe kqyrjes së telefonit të viktimës. E ndjera i kishte kërkuar disa herë që të fshinte foton nga rrjeti social, por 39-vjeçari herë pretendonte se nuk e kishte publikuar vetë, ndërsa herë të tjera i kërkonte të vijonin lidhjen.

Ngjarja ndodhi pikërisht tek pallati që shihni në foton e mëposhtme, rreth orës 23:00 të së shtunës, në rrugën “Teuta” në Kamëz. 27-vjeçarja pasi u hodh nga kati i katërt i tarracës së pallatit, u transportua me urgjencë në spital, por nuk arriti dot t’u mbijetonte plagëve të marra.

Pallati nga ku u hodh 27-vjeçarja Sibora Abedini

27-vjeçarja ka qenë e martuar me një shqiptar të Kosovës, me të cilin ka patur dhe një vajzë 2 vjeçe dhe ishte në proces divorci. Vajza jetonte me të atin. Gjatë kësaj kohe, ajo ishte njohur me Altin Çokun dhe dyshohet se kanë patur vetëm një takim bashkë në hotel.

Altin Çoku është një personazh i njohur në rrjetin sociale TikTok. Ndërkohë, teksa fliste në këtë rrjet social para tragjedisë, Altin Çoku pretendon se foton ia ka marrë një shok nga telefoni, kur ndodheshin në kafe dhe ia ka publikuar ky i fundit. Sipas 39-vjeçarit, publikimi i asaj fotoje i ka sjellë dhe problem me bashkëshorten.

“Ka tentuar të mbysë veten, edhe unë normal kam bërë debat me gruan time. A nuk e ke parë foton që qarkullon në TikTok. Kam dalë për të pirë kafe me një shok tim në lokal, por unë telefonin e mbaj pa kod, edhe kam shkuar në banjo të lokalit, ajo goca më çon shikoje çfarë foto kemi bërë në hotel, edhe ky e ka marrë telefonin shpejt edhe ka marrë fotot. Ja u ka shpërndarë miletit, kanë hapur adresa TikToku. Cuca e huaj e ndarë me burrë, edhe unë kam bërë debat me gruan time. Gjynah për gocën e huaj, po ajo vetit ja ka bo. Se vetë i ka hëngër bytha me bo foto. Nuk është tu më rrujt k**i për të”, – tregon Altin Çoku, i cili thotë se nëse do ta akuzojnë për tradhti “do ti thotë policisë merrni armën e krimit”.

Ndërkohë, tezja e viktimës në një prononcim për mediat pretendon se mbesa e saj nuk është vetëvrarë, por aludoi se e kanë vrarë persona të tjerë, duke drejtuar gishtin drejt Altin Çokut.

“Është një legen që ma mori gocën në qafë, i ka bërë foto. Unë jam tezja, unë e kam rritur atë gocë, ajo me ne është rritur. Nuk janë të vërteta lajmet që kanë dhënë deri tani. E vërteta është që gocën time kanë vrarë. Kanë ardhur këtu e kanë shtyrë. Ajo nuk do e kishte lënë kurrë vajzën 2-vjeçe. Atë e kanë vrarë, ai personi që është arrestuar. Nuk e di çfarë ka ndodhur, se këto muhabete kanë ndodhur 2 ditët e fundit dhe vajza nuk m’i ka thënë. Goca do vinte te unë në Itali, ai nuk e di çfarë i bëri. Ose mori vesh që do vinte në Itali dhe e ka vrarë. Ajo nuk e ka vrarë veten dhe lajmet nuk janë të vërteta. Ajo kishte një problem me bashkëshortin dhe ishte një ndarje për momentin, ndoshta do bashkoheshin prapë”, tha ajo.

Shkak i vetëvrasjes së 27-vjeçares Sibora Abedini u bë pikërish fotoja e mëposhtme, ku e reja ndodhet në momente intime me Altin Çokun dhe iu shpërnda në rrjetin sociale Tik Tok.

Fotoja intime e Sibora Abedinit dhe Altin Çokut

Burime bëjnë me dije se Altin Çoku kishte pak kohë që kishte dalë nga burgu, ndërsa tregonte herë pas here në videot e tij, që të njëjtën gjë e ka bërë edhe me vajza të tjera. 39-vjeçari mësohet se ishte nën hetim dhe për shantayh ndaj një vajze nga Laçi të cilës po ashtu i kishte publikuar një foto intime.

Most Popular