Zbulohen të tjera detaje nga dosja 184 për vjedhjen e votave nga zyrtarë të Partisë Socialiste. Prokuroria ka përgjuar një sms ndërmjet Kryetarit të PS Dibër, Afrim Miklit dhe një personi të pa identifikuar. Përgjimi është kryer me datën 9 shtator 2016. Personi i paidentifikuar i ka dërguar SMS Afrimit, ku i thotë: “O mik, e kam sjellë atë listën e TR më duhen disa të holla pz…”.
Afrimi i përgjigjet me SMS: “Prit, mos ik”!
Gjithashtu, në 10 shtator 2016 është zhvilluar një bisedë ndërmjet Kryetarit të PS Dibër, Afrim Mikli dhe personit të paidentifikuar.
Gjatë bisedës, bashkëbiseduesi i thotë Afrimit se është në Zall Reç dhe Xhelal Mziu don me sjell rreth 100 persona nga Tirana. Gjithashtu personi i thotë Afrimit se jemi munduar t’i bllokojnë dhe afër 60 vetë i kemi bllokuar, ku 30 vetë i kemi bllokuar dhe 30 i kemi marrë për ne, por sipas tij problemi është se është rritur çmimi këtej pasi edhe atyre iu kanë bërë presion.
Afrimi në bisedë e sipër e pyet: Ke nevojë për ndonjë gjë?
Personi i përgjigjet: Ndihmë është me pas noj shtesë që t’i këpusim këtu në derë kur të vijnë…
Afrimi e pyet: Sa përshembull…?
Personi i përgjigjet: Po të paktën tre….
Afrimi i thotë: Mirë, mirë!
Personi tjetër i thotë: Diskutoje dhe po ashtu më merr prapë…
Po në datën 10 shtator ndërmjet Kryetarit të PS-së Dibër, Afrim Mikli dhe një personi të pa identifikuar.
Bashkëbiseduesi i thotë Afrimit: Isha duke takuar disa persona dhe më bllokuan rrugën në të dy krahët këto të PD-së dhe u detyrova të futem në shtëpi…
Personi i thotë gjithashtu Afrimit: Kisha listat me këto që iu kishim dhënë lekët dhe na i bënin publike…
Po në datën 10 shtator 2016 ndërmjet Kryetarit të PS-së Dibër, Afrim Mikli, dhe një personi të pa identifikuar, nga fshati Qafë Murrë zhvillohet kjo bisedë:
Afrimi e pyet bashkëbiseduesin: A do na ndihmosh sivjet?
Personi i përgjigjet: Se edhe vjet ju ndihmova po nuk më dhatë as lekë as punë…
Afrimi i thotë: Ke të drejtë po kështu na erdhën punët po tani kemi shumë në dorë…
Afrimi e pyet: Si e ke ndarë mendjen sivjet…?
Personi i përgjigjet: Po më premtove për punë e për …
Afrimi i thotë: Të ulemi ta pimë një kafe pra…?
Personi i përgjigjet: S’ka nevojë të pimë kafe se unë si të them po, po.
Afrimi i thotë: Lëshoi ato dhe për çfarëdo mbështetje unë të qëndroj…
Personi i thotë: Dakord!
Po në të njëjtën datë Afrim Mikli, bisedon me një person tjetër të paidentifikuar
Bashkëbiseduesi i thotë Afrimit: Kam nja pesë vetë që votojnë në qytet…
Afrimi i përgjigjet: Silli poshtë se jam në Muhurr.
Personi e pyet: Kush i paguan?
Afrimi përgjigjet: Bjeri poshtë…
Personi e pyet: Lekët të vij t’i marr sonte apo ku do…?
Afrimi i përgjigjet: Ku ta kesh qejf…
Personi e pyet: Mos ke noj tollonë naftë se nesër do iki pasi të votoj në mëngjes herët…”.
Afrimi në mesazhet në vijim i thotë: Hajde te AMC -ja…
Personi e pyet: Çfarë do u japim këtyre që kanë ardh prej Tirane…?
Afrimi e pyet: Sa vetë janë…?
Personi i përgjigjet: Është Halil Hoxha.
Afrimi i thotë: “Po mor po…”.
Personi i thotë Afrimit: Sa t’u jap? Se i dhashë 60,000 lekë. A mjaft janë?
Afrimi përgjigjet: Pak janë, po hajt. A votoi?
Personi i përgjigjet: Po, po!
